Al dopmeʓdé (Il pomeriggio)

 

Sòta la lòʓa ira muntè al tlèr,

mé spès a stèva lé a guardèr,

la spóla l’andèva avanti e indrìa

la man sènpar la-gh a tgnìva drìa .

 

La nòna la cantèva, la cantèva

al nònn ogni tènt a la chiaméva.

sòta la fnèstra la zìa l’arcamèva,

a lìa insòn mai la dasturbèva.

 

Dal vólt un parènt pasèva a salutèr,

dal vólt biʃgniva dèragh da magnèr.

dal vólt quelcdón zighèva,

al dopmeʓdé l’ira lóng e an pasèva.

 

Vérs séra turnèva a ca’ la màma,

ènch adès a  sìnt la vòs ch’la ciàma,

alòra sé ch’ìra cuntènta,

ad tót al rèst an m’inpurtèva gnìnta.

 

 

 

 

Nerina Ardizzoni (dialetto di Renazzo di Cento)

 

Il pomeriggio // Sotto la loggia era montato un telaio,/ io spesso stavo lì, a guardare,/ la spola andava avanti e indietro/ e la mano sempre l’accompagnava. // La nonna cantava, cantava,/ il nonno ogni tanto la chiamava,/ vicino alla finestra la zia ricamava,/ ma nessuno la disturbava. // A volte un parente passava a salutare,/ a volte gli si dava da mangiare,/ a volte qualcuno piangeva,/ era lungo il pomeriggio e non trascorreva. // Verso sera la mamma ritornava,/ sento ancora la voce che chiamava,/ allora sì ero contenta,/ del resto non mi importava niente.