Poesia del poeta dialettale Sauro Roveda (dial. di Carpi)
Amicìsia,
l’è truvèeres ogni mumèint dla vìta
in dl’àatim dal dulóor
e dìir anch sóol: -Curàag!
L’è éser šò ed còorda,
mà a l’ucasiòoun pséer dìir:
-A sùun cuntèint pèer tè!
L’è dèer e ancòra dèer,
sèeinsa pinsèer chi’eter ch’siàan fàat.
L’è fèer, sèeinsa po’ dìir hò fàat.
Amicìsia,
l’è ‘na paròola gròosa
ma dìta sòtt-vóoš,
pèr vèder se dabòoun i t’hàan sintùu,
l’è arèer de dlà da ogni cunfìin
semnèer…e in pùunta ed pée andèer vìa.
Amicìsia,
l’è éeser šóoven
e in dal stèss tèimp vèec,
l’è nàaser e po’ murìir…
sèeinsa ch’at móora màai
ùun spàasi in dal cóor.
L’è ùun àatim d’amóor
cal dùura tùtta ‘na vìta!
Amicizia,/è ritrovarsi in ogni momento della vita/nell’attimo del dolore/e dire anche solo :-Coraggio!/È essere giù di corda,/ma all’occasione poter dire:/-Sono felice per te!/È dare e ancora dare,/senza pensare cosa han fatto gli altri./È fare, senza poi dire ho fatto./Amicizia/è una parola grande/ma pronunciata sottovoce,/per scoprire se veramente qualcuno ti ha udito,/è arare al di là da ogni confine/seminare….e in punta di piedi andarsene./Amicizia,/è esser giovani/e nello stesso tempo vecchi,/è nascere e poi morire…/senza che ti muoia mai/uno spazio dentro al cuore./È un attimo d’amore/che dura tutta una vita!
