Poesia di Sauro Roveda (dialetto di Carpi).
I pèren fati ed calêṡna
el sîri d’utôber,
i’armâgnen mòtti d’lùngh a i fòs
a naṡèer al vèint
e a lughêr in dla fumàna
l’udôr dal mòst.
Al cêl l’è ’na fnèestra in bucátta,
cun apèina ûn fîl ed lûṡ…
che a poch a poch
dèinter a ’na bûṡa d’âqua la ṡdescûṡ.
Autunno
Sembrano di fuliggine/le sere di ottobre, / restano mute lungo ai fossi/ ad annusare il vento/ e a nascondere nella nebbia/ l’odore del mosto. / Il cielo è una finestra socchiusa, /con appena un filo di luce…/ che a poco a poco/dentro ad una pozzanghera d’acqua si scuce.
