Poesia del poeta dialettale Sauro Roveda (Dialetto emiliano di Carpi -Mo)
E ùun vèec al’s’nà dà
che la sò vìta la cùrr šò pèr al blišgòoun,
al’s’vòlta indrée e al vèdd da luntàan
i fógh e-šmòors dla gioventù…
e al sèint come in d’ùun rušàari
el vóoš amìighi
ed chi oramàai an gh’è più.
Mà pò a l’improvìiš
‘na vušlinèeina la’l ciàama:
-Nunòoun, nunòoun!-
E ùun vèec al’s’nà dà che la sò vìta
la’n póol brìiša finìir a csè…
E al d’màanda al vèec al Sgnòor,
un’éter pòo ed’tèimp…
pèr vèder crèsser ùun fióor.
E UN VECCHIO
E un vecchio s’accorge/ che la vita sta per sfuggirgli,/guarda al passato e vede in lontananza/i fuochi spenti della propria gioventù…./e ode come in un rosario/le voci amiche/di chi ormai non c’è più./Ma poi all’improvviso/una vocina lo chiama:/-Nonno, nonno!/E un vecchio s’accorge che la sua vita/non può terminare così…/E il vecchio chiede al Signore,/un pò di tempo ancora…/per poter vedere crescere un fiore.
