Poesia del poeta dialettale Sauro Roveda (dial. di Carpi)
Fèermet
ad ascultèer al gnìint,
un gnìint
ch’àl né gh’à più memòoria.
Et sintrèe la nèev
pugèeres insìma a’iaršùi daàl dè,
un šbàater d’èel, un suspìir d’amòor.
Et sintrèe el parooli mai dìti
rumèer in dl’àalma
quèli ch’à bastèeva dìir,
e adèes a’t tòca šmarìir.
Fèermet
ad ascultèer al gnìint,
al rušàari dal tèimp…
che al šgràana i so mumèint.
FERMATI
Fermati/ad ascoltare il nulla,/un niente/che non ha più memoria./Udrai la neve/posarsi sugli avanzi del giorno,/uno sbattere d’ala, un sospiro d’amore./Udrai le parole mai dette/frugare dentro all’anima,/quelle che bastava dire,/ed ora ti tocca scacciare./Fermati/ad ascoltare il nulla,/il rosario del tempo…/che sgrana i suoi attimi.
