Poesia di Nerina Ardizzoni (dialetto di Renazzo di Cento)
Quànd a sòn gnùda al mònd
la bsinòna l’un gnè a truèr,
dal Dòs a pìa, a va psì imazinèr.
L’um tulè in spàla e a mi pèdar la gh’ gé:
“A m’arcmànd, la tó puténa fàla studièr,
l’è al regàl pjó bèl che t’agh pòs fèr;
ènca mè a vliva andèr a scóla,
pr’ inparèr a lèzar, a scrìvar, a dìr na fóla,
ma al padrón, senza tènt simitón,
l’um purtè fòra d’in ca’, drìa i caradón,
a badèr al vàch e a lavurèr la tèra,
digànd che quèla l’ira la mi scóla,
drìa dla còva d’una vàca mòra.”
La bisnonna
Quando sono nata
la bisnonna è venuta a farmi visita,
a piedi da Dosso, vi potete immaginare la fatica.
Mi prese in braccio e disse a mio padre:
“Mi raccomando, la tua bambina falla studiare
è il regalo più bello che le puoi fare.
Anch’io a scuola volevo andare,
per imparare a leggere, scrivere e conversare,
ma il padrone, senza tanto tergiversare
mi trascinò fuori di casa, lungo i sentieri,
a pascolare le mucche e lavorare i campi.
dicendo che la mia unica scuola
era dietro alla coda di una vacca mora.”
