Poesia del poeta dialettale Sauro Roveda (Dialetto emiliano di Carpi -Mo)
A’n vdìiva l’óora ed cùrert incòunter
butèerom de drèe dal spàali giurnèedi grìiši
ch’ìi apasèsen al cóor.
Adèesa tìi turnèeda cùn la fròunt élta,
la bòcca ingòorda a bèver i ràag dal sóol;
t’è avèert i bràas, t’è tìi vistìida ed fióor.
Fàam imbèrriaghèer dal nóov profùmm di prèe,
mandem cl’udóor antìigh ed tèera móoja…
sèmper ùmda cume i-óocc dìi ragasóo.
Primavèera, t’ìi ‘na poesìa mai scrìta,
insìma a éeli ed farfàla a t’hò vìst arivèer,
po’ cume ùun pitòor tùtt, tùtt tè culurèe.
L’ùultma spenlèeda t’lè dèeda pròopria chè
dèinter a stè cóor.
PRIMAVERA
Non vedevo l’ora di correrti incontro/gettarmi dietro alle spalle giornate grigie/che appassiscono il cuore./Adesso sei tornata con la fronte alta,/la bocca ingorda a bere i raggi del sole;/hai aperto le braccia, ti sei vestita di fiori./Fammi ubriacare dal nuovo profumo dei prati,/mandami l’odore antico di terra bagnata…/sempre umida come gli occhi dei bambini./Primavera, sei una poesia mai scritta, e sopra ad ali di farfalla io ti ho vista arrivare,/poi come un pittore tutto, tutto hai dipinto./L’ultima pennellata l’hai data proprio qui/dentro a questo cuore.
