Poesia del poeta dialettale Sauro Roveda (Dialetto emiliano di Carpi -Mo)
TURNÈEM A DÈER L’ISTÈE
Turnèe’m a dèer l’istèe,
quèla sèeinsa cundisionadóor,
quèla dèl ciaacri insìma ai balcòun
di ragasóo fóora in curtìl
a fèer dla cunfusiòoun.
Da un quèelch cantòun
‘na raadio la mandèeva ‘na cansòoun,
la’n n’éera né mìa né tùa,
l’éera la nóostra cansòoun!
Turnèe’m a dèer cl’istèe,
co’l sò sudèedi, i šbràai
el b-vùudi a garganèela
e pò vìa ed nóov
a cùrrer a drèe a un balòoun.
A’n du éela màai finìida cl’istèe,
tùtt, tùtt è cambièe.
A gh’è armèeš sóol trìi ricòord in cròoš…
dal tèimp scunsumèe.
TORNATEMI A DARE LA MIA ESTATE
Tornatemi a dare l’estate/quella senza condizionatori/quella delle chiacchiere sui balconi/e del vociare dei bimbi fuori in cortile./Da chissà dove/una radio trasmetteva una canzone,/non era né mia né tua, /era la canzone di tutti noi!/Tornatemi a dare quell’estate,/con le sue sudate, le urla,/le bevute a garganella/e poi via di nuovo/a correre dietro ad un pallone./Dove sarà mai finita quell’estate,/tutto, ogni cosa è cambiata./Sono rimasti solamente tre ricordi in croce…/dal tempo consumati.
