Poesia di Sauro Roveda (dialetto di Carpi -MO)
L’è ricamēda ‘d nêv
la campâgna.
Al frèdd
al giâsa el parōli sòtt-tēra,
cun i sò brâs alvèe,
i’êlber a sèmbra
ch’ î prêghen al céel.
Da un camèin luntân
a ṡ’ lêva
‘na bianca núvla ed fumm.
L’è come ‘na dôlsa fōla
l’invêren.
(Sauro Roveda – dial. di Carpi)
INVERNO
E’ ricamata di neve/la campagna, /il freddo/gela le parole sottoterra./ Con le loro braccia alzate,/
gli alberi sembrano/invocare il cielo. / Da un camino lontano, /si alza/una bianca nuvola di fumo./
È come una dolce favola/ l’inverno.
